Xilə FK 29 mart 2018-ci ildə yaradılıb. Yaranma məqsədi Azərbaycanda futbolu yeni mərhələyə gətirib, yüksək potensialı olan perspektivli futbolçuları dünya futbol səhnəsinə çıxarmaqdır.

      Komandanın yaranmasının təşəbbüskarı  Royal Holdinq QSC-dir.Şirkət klubu İtaliyadan sifariş olunmuş forma,pulsuz  təlim məşğələləri,professional video və  foto çəkilişlərlə təmin edir.

      Həmçinin baza yaradılıb ki orada futbolçuların fiziki və psixoloji hazırlığı keçirilir.Əvvəlcədən müəyyən edilmişdir ki, ilkin olaraq Xilə futbol komandasının fəaliyyəti yüksək futbol  klubu  kimi U15 komandaları arasında  keçirilən Azərbaycan  futbol çempionatında iştirak etsin.

      Hal hazırda bütün planlar bu məqsədə yönəlib və məşqçilər heyyəti formalaşıb. Xilə futbol komandasının icraçı direktoru Gülağa Cabbarov komanda haqqında belə deyir: – “Hal hazırda  Xilə futbol klubunda 25 futbolçu var.

      Bu perspektivli uşaqlar bir neçə ay ərzində bütün Azərbaycan ərazisində keçirilən seleksiya işlərindən seçilərək komandaya cəlb olunub.

      Artıq bir neçə aydır ki komanda intensiv məşqlərə başlayıb.Yoldaşlıq görüşləri keçirilir və nəticə etibarı ilə 9 oyundan 7 qələbə,1 məğlubiyyət və 1 heç-heçə əldə olunub.Azərbaycan çempionatı sentyabrda start götürüb və biz çalışırıq ki həmin vaxtda optimal heyyəti formalaşdıraq “.

       Bu günkü gündə klub rəhbəri çalışır gənc futbolçuları professional şəkildə hazırlaşdırıb, onları mütəxəssis etsin.

      Qeyd etmək istəyirik ki, bu kluba sponsorluq edən  Royal Holdinq QSC-in idarə heyyəti  Xilə FK-un fəaliyyəti ilə yaxından maraqlanır, klubun inkişafına xüsusi diqqət yetirir və bütün oyunlarında iştirak edir.